Blogs | Hörður Torfa

Þjóðfundur?

Það er svosem vitað að þjóðfélagslegar breytingar taka tíma, jafnvel áratugi. En mörg tröll ætla að vera í dyrum okkar íslendinga til viðhorfsbreytinga. Þessi "Þjóðfundur" er dæmi um eitt stærsta tröllið. Hér er sett á fulla ferð að virkja bjartsýni landans. Það er spurt hvað vill þjóðin? Hefur það eitthvað verið að flækjast fyrir fólki síðan Hrunið varð? Ekki mér vitandi, nema örfárra sem ekkki sjá neitt athugavert við Hrunið. Sjálfsagt vegna þess að það græddi á því.

Íslensk þjóð í vanda

Við íslendingar erum í miklum vanda. Það er augljóst að verði stjórnmmálaflokkunum leyft að ráða þá á ekkert eftir að breytast. Stjórnmálamenn settust vankaðir og ráðvilltir í stólana eftir að alþýðan krafðist breytinga í síðastliðinn vetur. Smám saman tóku þeir við sér og nú er allt komið á fullt skrið á ný. Tæplega örlar á einlægum breytingum. Ýmis öfl hamast núna við að endurskrifa söguna og jarða fortíðina. Ekkert má breytast og auðvitað snýst þetta allt um völd og auð.

Heimsókn í Laugarnesskóla

Þá er að hefja nýjan áfanga í lífinu og byrja að blogga. Ekki alveg viss um að það verði dagleg iðja hjá mér. En ég sé til. En það er kjörið að hefja bloggið á ný uppgerðu síðunni minni með því að segja frá að í morgun heimsótti ég Laugarnesskóla. Tilefnið var dagskrá um skáldið Tómas Guðmundsson.

Netið er dásamlegt

Það er athyglisvert að fylgjast með blogginu og fjölmiðlum núna í umfjöllun þeirra um kynþáttahatur og ofbeldi. Lýsingarnar eru svæsnar á ofbeldinu og niðurlægingunni. Athygli mína vekur hvernig að skrifunum er staðið. Á netinu fer t.d. mikinn blaðamaður undir nafni sem ég veit ekki hvort er hans rétta nafn eða ekki því hann hylur andlit sitt einhverra hluta vegna. Ég á erfitt með að treysta þeim til fulls sem fela sig á bakvið eitthvað annað. En lýsingar hans á rustalegri árás á marokkóskan vin hans er áhrifarík og fylla mann depurð.

Bergþóra Árnadóttir kvödd

Himnaför Bergþóru Árnadóttur söngvaskálds verður haldin í Hveragerðiskirkju klukkan 13.00 í dag og síðan verður aska henna jarðsett í Kotstrandakirkju.

En opfordring til det Færöske Landsting.

Som en kunstner og menneske som har vokset op med en stor respect for de færöske folk vil jeg opfordre det færöske Lagting til at sikre homoseksuelle mennesker deres fulde ret som mennesker. I skal vide at omverdenen ikke accepterer den form for diskrimination af homoseksuelle som forgår på Færöerne den er en grov overtrædelse af FN’s menneskerettighedskonvention.

Med venlig hilsen og et önske om en god fremtid.

Hörður Torfa

Dæmisaga

Það er áhugavert að fylgjast með netspjallinu í Færeyjum um samkynhneigð. Mikið hægt að læra þar. Margt fólk virðist hafa Gamla Testamentið sem leiðarljós og vitnar í það í tíma og ótíma og þá sérstaklega það sem þar segir um samkynhneigð. En svo sleppir það öllu hinu sem stendur í Gamla Testamentinu, skrýtið. Kannski er það vegna þess að að þá þarf fólkið að fara að líta í eigin barm og gera ýmislegt sem ekki er skemmtilegt. Í minni heimabyggð var og er slíkt kallað hentistefna og eitthvað þaðan af verra sem ég ætla ekki að týna til hérna.

Jákvæð tímamót

að er gaman að standa á merkum jákvæðum tímamótum. Þannig tímamót voru í mínu lífi síðastliðinn þriðjudag 27 júni þegar blásið var til fagnaðar í Hafnarhúsinu í Reykjavík og ástæðan var að ný lög um réttarstöðu okkar samkynhneigðra tóku gildi. Og það var dáldið einkennilegt að vera þarna viðstaddur því að Samtökin´78 sýndu fæst merki um að vera samkynhneigð. Þarna voru pólitíkusar að segja hvað þeir væru góðir og þessvegna líka góðir við okkur og formaðurinn tók undir það. Þetta var semsagt allt voða gagnkynhneigt og pínulítið stíft.