Smá pæling.

Skyldu nær 40% íslenskra kjósand ætla að halda áfram að kjósa Hrunflokkana eftir útkomu Rannsóknarskýrslunar?

Mér það augljóst mál að við, fólkið í landinu, verðum að grípa til aðgerða og koma á Stjórnlagaþingi án aðkomu stjórnmálaflokkana. Og það er ekki til neins að byrja á því núna í vor. Undirbúum okkur vel í sumar og hefjumst handa þegar haustar.

Hugsunarhátturinn"Þetta reddast" verður að víkja.   

 

 

Þetta flýgur um á netinu

Á morgun, 10.04.´10 mun skýrsla rannsóknarnefndar Alþingis verða birt og í því tilefni flýgur þetta um á netinu.   
 
Athugið,vegna skýrslu rannsóknarnefndar
        
        Skýrsla rannsóknarnefndar Alþingis er upphaf. Ekki endir.
        Margir vilja eyðileggja trúverðugleika skýrslunnar. Meintir      andstæðingar munu verða samstiga í því og beita  öllum brögðum.
•       Stjórnvöldum er í lófa lagið að ná til allra helstu gerenda í efnahagshruninu, annarra en stjórnmálamanna, með því að höfða gegn þeim skaðabótamál.

Æft af kappi...

Þegar ég kom til Íslands 10.janúar frá Ítalíu tók ég mig til og fór í gegnum laga og textaskissur undanfarinna mánaða. Það sem kom mér á óvart var hvesu margar þær voru. Sérstaklega skissurnar sem tengdar voru mótmælunum á Austurvelli. Ég ákvað að fullvinna þær og hef lengið yfir þeim undanfarna mánuði og nú eru þær brátt að verða tilbúnar til hljóðritunar. Ég ætla að flytja ellefu nýja söngva úr þessu safni á tónleikunum mínum í Iðnó núna á fimmtudagskvöld. Mér finnst annar tónn í þeim en venjulega hjá mér. Mér finnast þessir textar afdráttarlausari.

Til hamingju Poul og Rosmary Ramses.

Í morgun, 24 mars 2010, voru Poul og Rosmary Ramses boðuð á fund hjá Útlendingastofnun. Það var mikil spenna og óvissa um hvað fundurinn boðaði. Barátta þeirra hjóna fyrir aðsetri á Íslandi hefur tekið langan tíma.  

Það var því ómæld gleði og ánægja þegar þau fengu að vita á þessum fundi að þeim hafði verið veitt landvistarleyfi á Íslandi. Fyrstu þrjú árin verða þau að sækja um dvalarleyfi árlega en að þeim loknum fá þau lengra leyfi.

Írar þakka fyrir sig.

Frá 11.okt.´08 hef ég verið í viðtölum við erlenda fjölmiðla, sjónvarp,tímarit, dagblöð og útvarp og jafnvel settur í kvikmyndir. Auðvitað voru þau nokkur á hverjum degi í byrjun en síðan hefur lengst á milli þeirra. Þetta fer að nálgast hundrað viðtöl. Sum útvarpsviðtölin hafa verið í beinni svo sem eins og í Danmörk, Svíþjóð og Írlandi. Erlendir fréttamenn sjá atburðina öðrum augum en innlendir og spyrja áhugaverðra spurninga. Íslenskir fréttamenn eru annað hvort staublindir af eigin hagsmunum eða hræðslu. Menn sjá ekki skýrt það sem næst þeim er.  

Tímarnir breytast

Tímarnir breytast og hegðun fólks með. Notkunin á heimasíðunni minni hefur gjörbreyst á rúmu ári og á ég bæði við sjálfan mig og aðra. Aðsókn að síðunni hefur ekki minnkað en meðlimum snarfækkað. Áður fyrr var síðan opin hverjum sem vildi og fólk nýtti sér það vel og margir hverjir alltof vel þannig að ég varð að hefta aðgang að síðunni. Ég var orðinn leiður og þreyttur á ómálefnalegum athugasemdum og skærum dónaskap. Ég er ennþá með netfangalistann minn og sendi út tilkynningar um tónleika mína og útgáfu nýrrar plötu eða vek athygli á einhverju nýju varðandi heimasíðuna.

Undirbúningur...

Undanfarna mánuði hef ég unnið að því að ljúka verkinu um Vitann. Þeir tveir þættir sem eftir eru; Vatnssaga og Vitinn eru langt komnir og ég er byrjaður að hljóðrita nokkra söngvanna.

Annars er ég líka að undirbúa tónleika sem verða sennilega seinnihlutann í febrúar. 

Nákvæmlega þá.


Það er á þeim stundum sem allt er á móti manni, allt gengur á afturfótunum, engin trúir á mann, allir snúa við manni baki og framtíðin virðist engin sem maður fær tækifæri til

Gleðileg jól.

Ég óska öllum gleðilegra jóla, nær og fjær. Eða eins og við segjum hér á Ítalíu: Buon Natale.

 

 

Að marg gefnu tilefni

Bara svo að fólk hafi það á hreinu; ég hef aldrei skráð mig í stjórnmálaflokk og ég tilheyri ekki íslensku þjóðkirkjunni, né trúarhópi. 
Ég hef unnið sem listamaður í tæp 40 ár og hef haft mannréttindi sem þungamiðju vinnu minnar. Sterkustu vopn mín hafa verið sögur mínar og söngvar sem ég hef ferðast með um landið í áratugi. Ég hef ítrekað ljáð fólki og málefnum rödd mína endurgjaldslaust þegar ég hef talið þess þurfa. 

Og ég undirstrika það enn eina ferðina að; frelsi fylgir ábyrgð. Og ég stend fyllilega við allt sem ég hef gert og sagt á opinberum vettfangi. 

Syndicate content