þegar nývaknaður dagur syngur ljóð um allt sem er

og allir menn virðist skilja hvað samfélag inniber

tengjast sterkum böndum svo dýrðleg sjón er að sjá

því söngurinn er um að valdið sjálft komi neðan frá

að valdið komi neðan frá þýðir að fólkið ræður ferð

að fjöldinn sé vakandi um lýðræðið svo það sé af bestu gerð

að hver maður geti af einlægni í hjarta sér horft og sagt;

heimsins réttlæti bergmálar þá hugsun sem í það er lagt

finnurðu spillingu breiðast út inní líf þitt og eitra allt

umhverfi þitt og vitund þá mótmæltu – rísa upp skalt

þannig ber öllum skylda að að halda vöku og standa vörð

um veröld sem við eigum öll og er okkar eina jörð

skilyrðislaust er traust okkar ekki aðeins á fjögurra ára fresti

því fylgja ætíð kvaðir um sanngirni og gagnrýni á kosti og lesti  

færðu rök fyrir máli þínu og sannaðu að þeir verða að víkja

sem valda ekki starfi sem þeir fengu og enduðu með að svíkja

hélaðir gluggar fortíðar birta óljósar myndir af mönnum

sem mótuð þá sína framtíð eins og við sem nú okkar hönnum 

HT apríl 2012

Ljósmynd: Helgi J. Helgason