Þetta með samsæriskenningarnar...

Það var á vordögum 2009 þegar erlendur fréttamaður minntist á það við mig að ég væri hommi og Jóhanna Forsætis, lesbía. Ég leit alvarlegur á hann og sagði að það væri engin tilviljun því fyrir nokkrum árum höfðum við haldið fund í Samtökunum ´78 og lagt á ráðin um þetta allt saman og næsta skrefið yrði að gera mig að forseta og eftir það yrði Ísland gert að ríki samkynhneigðra. - Andartak leit fréttamaðurinn á mig örlítið ringlaður en svo áttaði hann sig og við skelltum við uppúr. :)