1971-1980

1980

Ég vann í ísverksmiðunni Premier í Kaupmannahöfn til að borgar skuldirnar eftir Morðsögu.
Frétti af því að gerður var útvarpsþáttur á Íslandi um um réttindabaráttu okkaar samkynhneigðra. Þetta mjakast.
Ég hélt hausttónleika mina í Lundi og Kaupmannahöfn. Ákvað að fara ekki til Íslands þetta árið heldur ljúka við að greiða skuldir mínar og koma mér upp góðu heimili.

1979

# Í ársbyrjun leistýrði ég „Beðið í myrkri" í Hrísey. Gerði leikmynd og lýsingu. 
# Hélt nokkra tónleika á nokkrum stöðum norðanlands með litlum árangri. Fór í rútuferðir til nærliggjandi þorpa og gekk um götur þeirra til að vera sýnilegur. Reifst ekki við fólk né svaraði háðsglósum.

# Sótti um kvikmyndaleikstjórn hjhá Dramatiska Institudet í Stokkhólmi og fékk inni með því skilyrði að ég byggi í Svíþjóð í eitt ár til að læra málið. 
# Frétti af hvernig skemmtikraftar gerðu sér að leik að hæðast að mér. Pabbi gekk út af skemmtun sem hann fór á því hann varð svo reiður hvernig hæðst var að mér.
Hélt hausttónleika í Jónshúsi í Kaupmannahöfn. 
Hóf störf í verksmiðunni Premier is í Glostrup í Kaupmannahöfn um vorið.

1978

 # Í Janúar og febrúar notaði ég mikinn tíma í að ræða við menn um stofnun baráttusamtaka. Fá stuðning við mig opinberlega svo ég stæði ekk einn í þessari baráttu. Það er áberandi hversu menn eru hræddir.   
# Það var um 10 leitið að morgni 9 febrúar að ég var spurður hvort ég þyrði að taka að mér uppsetningu hjá MA á Hlaupvídd sex. Klukkan 1 var ég kominn í loftið með hálft handrit. Þetta gerðum við á 26 dögum. Skissað leikmynd í flugvélinni. Eftir skemmtileg samskipti við drífandi nemendur tókst að ljúka uppsetningunni á 22 dögum. Töf varð á að komast inn í leikhús Akureyringa eins og um hafði verið samið þar sem engin trúði að þetta væri hægt. Við fengum þó þrjá daga til að aðlaga leiktjöld og leikara setja upp ljós. Frumsýning tókst mjög vel. Þessi staða olli mikilli umræðu meðal nemenda og mín annarsvegar og við leikhússtjóra LA um að framkvæma það ómögulega. Þetta kveikt í mér hugmyndir um hvernig best væri að standa að stofnum baráttusamtakanna sem ég hafði reynt með of mikilli kurteisi og umburðarlyndi. Starf og reynsla mín sem leikstjóri var svarið og ég tók verkefnið föstum tökum. Hitti fyrir tilviljun Guðna Baldursson í lyftunni og ræddi við hann. Nákvæmlega maðurinn sem ég var að leita að. Þá fóru loks hjólin að snúast og hlutir að gerast. Tók upp stefnu sem kalla mátti "upplýst einræði. Stóð að nokkrum upplýsandi undirbúningsfundum og síðan í beinu framhaldi að stofnun Samtakanna '78 stofnuð heima hjá mér í Sólheimum 25, þann 9 mai, eftir mikla undirbúningsvinnu. 
Vegna stöðugra hótanna var mér ekki líft á Islandi og ég flutti aftur til Kaupmannahafnar 1.júni.
# Ég hélt hausttónleika mína í Jónshúsi Kaupmannahöfn.
# Frá 9 nóv.til 17 des. setti ég upp Jörund Hundadagakonung fyrir leikfélag Stykkishólms. 
# Fór í tónleikaferðir um nesið og nágrenni. Dræm aðsókn. 

1977

Í ársbyrjun kom Reynir Oddsson til Kaupmannahafnar og bjó ókeypis í herbergi mínu en ég dvaldi hjá mömmu í næsta uppgangi. Við hófum klippivinnu og hljóðsetningu á „Morðsögu” úti í Klampenborg. Myndin var frumsýnd í Reykjavík um vorið. Algjör svik RO við mig um umsamin tuttugu og tveggja mánaða laun og þar sem hann uppnenfndi mig "kynvillingsdruslu" auk ýmissa hótanna frá öðrum urðu til þessa að ég flúði land stórskuldugur og illa á mig kominn. Reyndi sjálfsmorð en áttaði mig á síðustu stundu og hætti við. Ákvað að takast á við mannréttindabaráttu á Íslandi og hóf undirbúning þess sem fólst í að beitra sýnileika og ferðast um Ísland.
# Þann 1 september mætti ég til Íslands gagngert til að stofna pólitísk baráttusamtök um réttindi homma og lesbía. Ég hófst strax handa en mætti þögn og undanslætti þeirra homma sem ég ræddi við. Ótti manna við afhjúpun risti djúpt. Flestum fannst betra að vera í felum en frjáls. Þetta var lærdómsríkt og áhugavert fyrir mig. En ég gasfst ekki upp. Ræddi við marga. 
Ég sviðssetti " Frænku Charleys" í Ólafsvík um haustið. Gerði bæði leikmynd og lýsingu.
Ég hélt hausttónleika mína í Ólafssvík. 
#  Hélt tónleika hér og þar um landið við mjög dræmar undirtektir en mjög lærdómsríkum og áhugaverðum árangri. Fljótt skiptast veður í lofti. Ég man þá tíð þegar fólk dýrkaði mig og söngva mína. Gekk þó um götur þorpa til að vera sýnilegur.
Ég vann fram til jóla að stofna Samtökin '78. Mjög erfitt þar sem aðrir áræddu ekki að vera með eða skyldu ekki hvað ég var að tala um. Ég komst fljótlega að þeirri niðurstöðu að þetta áhugaleysi stjórnaðist fyrst og fremst af hræðslu. Hræðslu við að missa vinnu og húsnæði ef það fréttist að menn væru hommar.  

1976

Í ársbyrjun vann ég að efni í nýja plötu. Plötu sem mig langaði að gera. Plötu sem lýsti hverdaglegu lífi mínu og viðhorfum. Svona að sýna inní líf hommans. Ég fékk Benna bróður (Benedikt Már) til að spila með mér á gítar og radda. Nokkuð sem við bræðurnir höfðum gert í áraraðir. Benni kallaði til vin sinn Svein Magnússon til að spila bassa og ég hóaði í vinkonu mína Lindu Gísladóttur til að radda með okkur Benna. Að lokum fékk ég svo heiðursmanninn Reyni Sigurðsson til að setja inn áslátt hér og þar. Plata var tekin upp í Tóntækni og upptökumaður var Sigurður Árnason.

Í febrúar/ mars leikstýrði ég "Línu Langsokk" á Ísafirði. Gerði einnig leikmynd og lýsingu.
Í febrúarlok gaf ég út hljómplötuna Dægradvöl og er þar með orðinn sjálfstæður plötuútgefandi. Plötunni var fálega tekið og jafnvel fjandsamlega enda var ég viljandi að feta nýjar og óvenjulegar leiðir bæði í túlkun og framsetningu. Platan fjallaði einfaldlega um dagsdaglegt líf mitt. Líf hommans.
Ég vann við undirbúning við Morðsögu frá april en við tökur allt sumarið fram á haust og síðan vann ég einn við klippingu myndarinnar í studio Vilhjálms Knudsen í Brautarholti í Reykjavík. 
Ég hélt fyrstu hausttónleika mína í september í Svarta salnum á Hótel Vík.  
# Ég hélt tónleika hér og þar um landið með athyglisverðum og lærdómsríkum árangri.
# Í nóvemberlok yfirgat ég Hótel Vík og fór til Kaupmannahafnar. Allri filmuvinnu var lokið á Íslandi og við áætluðum að byrja að klippa Morðsögu strax í janúar. Ég tók herbergi á Peder Skramsgade 16 á leigu.

1975

Í janúar og febrúar leikstýrði ég " Á útleið" á Borgarfirði eystri. Gerði leikmynd og lýsingu. 
Í mars - apríl leikstýrði ég " Deleríum Búbónis " á Siglufirði. Gerði leikmynd og lýsingu. 
# Í mai hélt ég tónleika víða um land. 
Í júni hóf ég samstarf með Reyni Oddssyni sem aðstoðarleikstjóri að gerð kvikmyndarinnar " Morðsaga ". Ég hafði verið á förum til Kaupmannahafnar og var húsnæðislaus. Ég gerði samning við Kaarl eiganda Hótel Víkur um að ég tæki að mér að sjá um leigjendur og eftirlit með daglegri umgengni Hótel Víkur. Bjó flutti inn á Hótel Vík og í fyrstu var þar mistöð allrar undirbúningsvinnu fyirr Morðsögu.  
Þann 1 ágúst birtist viðtal við mig í tímaritinu Samuel þar sem ég lýsti því yfir að ég væri hommi. Ég fann neikvæð viðbrögð umsvifalaust.   
Um haustið varð hlé á gerð myndarinnar " Morðsaga " ýmissa orsaka vegna en aðallega vegna þess að okkur hafði ekki tekist að ljúka öllum tökum. Ég vann gróf klippingu að öllum tökum og vann áætlanagerð fyrir áframhaldandi starf við kvikmyndina næsta vor.  
Í október - nóvember leikstýrði ég " Hart í Bak " í Ólafsvík. Gerði leikmynd og lýsingu. Og samhliða þeirri uppsetningu samdi ég og sviðssetti barnaleikrit með söngvum " Barnagaman " fyrir leikfélag Ólafsvíkur. Gerði einnig leikmynd og lýsingu. 
# Í nóvember - desember samdi ég texta og tónlist, æfði og hljóðritaði hljómplötuna Dægradvöl .

1974

Leikstýrði leikritinu " Sandkassinn " á Norðfirði. Samdi alla tónlist við verkið. Messíana Tómasdóttir gerði leiktjöld og búninga.
Ég þýddi leikrit úr sænsku, fyrir Leikfélag Hafnarfjarðar, sem hlaut nafnið " Leifur, Lilla, Brúður og Blómi." Ég lék líka með í verkinu hlutverk Lilla og fleiri hlutverk. Ég hannaði einnig leikmynd. Verkið er sýnt um vorið og síðan farið með það í ferðalag út á land fram eftir sumri. 
Ég leikstýrði leikritinu " Barn skal það vera " í Ólafsvík. Gerði leikmynd og lýsingu.
Hélt tónleika hér og þar um landið á eigin vegum og oft ókeypis.

#Ákvað að losa mig alveg út úr hefðbundnu leikhúsi og vinna sjálfstætt sem eins manns leikhús. Semja allt efni sjálfur og verða minn eigin umboðsmaður. Tónleikhús með áherslu á sögur og söngva. Sem listamaður hafði ég fram ti lþessa verið að afla tekna sem aðrir hirtu og svo var dónaskapurinn og smættunin gagnvart mér sem homma orðin óþolandi. Andstætt öllum ráðleggingum flestra ákvað ég að gerast sjálfstæður listamaður og sjá um öll mín mál sjálfur. Loks fór ég að sjá peninga fyrir vinnu mína við tónlistarflutning. Lentiþó fljótlega í vanda þar sem ég neitaði að troða upp á fylliríssamkomum.

# Flaug til London og ræddi við leiklistarskóla þar um leikstjóranám. Þeir skoðuðu pappíra mína og gögn en ráðlögðu mér að halda áfram á þeirri braut sem ég væri á nema "ef ég vildi setja mig í skuldir til að læra það sem ég þegar kunni" eins og þeir sögðu.

1973

Ég lék hjá Þjóðleikhúsinu fram á vor ( Leikár 73/74) Indjánar - Cabarett - 28 sept.´73 Hafið blá hafið - Diego. 
Um sumarið lék ég í sjónvarpskvikmyndinni " 65.grein lögreglusamþykktarinnar " eftir Agnar Þórðarson í leikstjórn Baldvins Halldórssonar, og fór þar með hlutverk einkabílstjórans Axels.
Ég flutti söngva mina á ýmsum skemmtunum og tónleikum víða um land. 

# Ég var farinn að lenda í vandræðum við fólk sem vildi niðurlægja mig vegna þess að ég var hommi. Ekki að ég væri að auglýsa það heldur vegna þess að ég var ekkert að fela það. Hippaboðskapinn um frjáldar ástir tók ég alvarlega.

1972

Ég leikstýrði "Melkorku" eftir Kristínu Sigfúsdóttur í Ólafsvík. Gerði einnig leiktjöld og lýsingu. Búningar frá Þjóðleikhúsinu.
Íslenska sjónvarpið gerði annan þátt þar sem ég flutti eigin lög og texta annarra.
# Önnur breiðskífa mín „ Án þín" kemur út.
Um haustið lék ég hjá Þjóðleikhúsinu og út leikárið. 
Kom fram á ýmsum skemmtunum víða um land.
Starfaði sem ljósmyndafyrirsæta.

1971

Er í Kaupmannahöfn og starfa þar sem leikari með íslenskum listamönnum í leikhópi sem kallar sig Andróklesaleikhópinn. Við settum upp eina farandleiksýningu “Andrókles og ljónið”, eftir Ólaf Hauk Símonarson.
Um vorið spilaði ég ásamt Benna bróður mínum í Vise Vers huset í Tívolí í Kaupmannahöfn. Þar fékk ég boð um að koma til Wasington D.C og troða þar upp og skoða möguleika á ferli í USA. 
Í júní byrjun kom ég til Íslands til að gera plötuna  „ Án þín”
Starfa sem ljósmyndafyrirsæta í ýmsum auglýsingum.
Ég tók virkan þátt í starfsemi þjóðlagaklúbbsins Vikivaki í Tónabæ.
Í október fór ég til Wasington D.C. og tróð þar upp í klúbbum og er boðin vinna í leikhúsi. Afþakkaði og fór aftur til Íslands.
# Leikstýrði fyrir leikfélag í Garðabæ í nóvember og desember  " Andrókles og Ljónið " en ekki varð úr sýningum.